Lavacolla terá este verán once voos internacionais, un récord histórico para a terminal compostelá. Dende Santiago haberá conexións con dez capitais europeas e con Caracas, en Venezuela. A conexión con Venecia acaba de arrancar e en xullo e agosto haberá dúas conexións coa illa de Madeira e con Eslovenia. A Funchal voará a compañía Sata e a Liubliana farao Adria Airways. Voarán unha vez por semana durante os meses de xullo e agosto.

Ademais dende Lavacolla parten catro voos semanais a Londres, París e Xenebra; tres semanais a Fráncfort, Milán, Zürich e Dublín; e as dúas a Venecia.

Ademais o voo diario de Air Berlin a Palma de Mallorca permite enlazar coas principais cidades de Alemaña e Centroeuropa.