Conecta co Xacobeo. Ano 2021
Obxecto:
Posibilitar que as persoas vinculadas ás entidades galegas de España e de países de Europa manteñan os vínculos coa cultura e as tradicións de Galicia, mediante a realización dos últimos 100km do Camiño de Santiago ata chegar a Santiago de Compostela
Entidades beneficiarias:
Poderán ser beneficiarias das subvencións establecidas nesta convocatoria as entidades galegas inscritas no Rexistro da Galeguidade en calquera das categorías que figuran na Lei 7/2013, do 13 de xuño, da galeguidade.
Cada entidade galega poderá solicitar a participación do número de persoas que aparecen reflectidas nos Anexos A e B da orde de convocatoria, segundo estean asentadas en países de Europa ou Comunidades Autónomas de España.
Unha vez rematado o prazo de presentación das solicitudes, a entidade solicitante non poderá propor a participación doutras persoas diferentes ás indicadas na solicitude.
A idade das persoas propostas por cada entidade galega para participar no programa estará comprendida entre os 18 e os 64 anos de idade, deben poder valerse por si mesmas e realizar con normalidade as actividades do programa.
Número de prazas convocadas:
Convócanse 200 prazas dirixidas a entidades galegas do exterior distribuídas do seguinte xeito:
PRAZAS OFERTADAS NOS PAÍSES DE EUROPA | ||
---|---|---|
PAÍS | Nº PRAZAS OFERTADAS | Nº. DE PRAZAS MÁXIMAS QUE PODE SOLICITAR CADA ENTIDADE GALEGA POLO PAÍS OU GRUPO DESTES NO QUE ESTEA ASENTADA |
Suíza- Liechtenstein | 40 | 20 |
Alemaña | 20 | 10 |
Resto de Europa | 20 | 10 |
Prazas Totais | 80 |
PRAZAS OFERTADAS NAS COMUNIDADES AUTÓNOMAS DE ESPAÑA | ||
---|---|---|
COMUNIDADE AUTÓNOMA OU AGRUPACIÓN DESTAS | Nº PRAZAS OFERTADAS | Nº. DE PRAZAS MÁXIMAS QUE PODE SOLICITAR CADA ENTIDADE GALEGA POLA COMUNIDADE AUTÓNOMA OU GRUPO DESTAS NO QUE ESTEA ASENTADA |
Andalucía, Ceuta e Extremadura | 10 | 5 |
Canarias | 4 | 2 |
Cataluña | 36 | 18 |
C. Valenciana, Rexión de Murcia, Illes Baleares e Castilla-La Mancha | 10 | 5 |
Castilla y León, Principado de Asturias, Cantabria, La Rioja e Aragón | 18 | 9 |
Madrid | 20 | 10 |
País Vasco e Navarra | 22 | 11 |
Prazas totais | 120 |
Características do programa:
O programa consiste en que as persoas seleccionadas percorran 100 km do Camiño de Santiago en diferentes etapas ata chegar a Santiago de Compostela, durante as cales coñecerán o patrimonio cultural e natural das respectivas zonas polas que vaian pasando.
Para iso, o programa organízase en dúas quendas:
a) Na primeira quenda viaxarán as persoas procedentes das comunidades autónomas de España e será, previsiblemente, do 18 ao 26 de setembro.
b) A continuación, nunha segunda quenda, participarán no programa as persoas procedentes dos países de Europa e desenvolverase, previsiblemente, do 28 de setembro ao 6 de outubro.
A Secretaría Xeral da Emigración farase cargo da organización da viaxe e dos traslados das persoas participantes mediante o financiamento do custo dos billetes dende o lugar de residencia das persoas participantes ata Galicia e regreso.
Así mesmo, encargarase dos desprazamentos terrestres en Galicia, do aloxamento e da manutención das persoas participantes.
Na páxina web da Secretaría Xeral da Emigración (https://emigracion.xunta.gal) informarase da programación das actividades que se van a realizar así coma do lugar de aloxamento unha vez finalizado o prazo de presentación de solicitudes.
Solicitudes e documentación:
Os modelos normalizados de solicitude e documentación complementaria (anexos I e II) poderán obterse nas páxinas web https://sede.xunta.es e https://emigracion.xunta.gal.
FORMULARIOS DE TRAMITACIÓN DE SOLICITUDES | picar aquí para acceder á Sede electrónica |
Documentación para descargar:
- Texto íntegro da convocatoria no D.O.G. (picar aquí para descargar)
- Extracto da convocatoria no D.O.G. (picar aquí para descargar)
- A solicitude (anexo I) deberá estar completamente cuberta e ir acompañada de tantos modelos do anexo II como persoas propoña a entidade como participantes no apartado Relación nominal de persoas solicitantes incluída no anexo I.
Documentación:
a) Certificado de residencia fiscal para as entidades solicitantes que non teñan a súa residencia fiscal en territorio español, emitido en 2021 polas autoridades competentes do seu país de residencia.
b) Documentación acreditativa da identidade e nacionalidade das persoas propostas pola entidade no que consten os seus datos persoais: DNI ou pasaporte.
c) Unha declaración responsable de cada persoa proposta para participar na actividade, conforme o modelo oficial que figura como anexo II a orde de convocatoria.
d) Unha fotografía recente tamaño carné de cada unha das persoas propostas pola entidade.
A.- Entidades con sede social en España
As entidades con sede social en España presentarán as solicitudes obrigatoriamente por medios electrónicos a través do formulario normalizado que figura como anexo I da resolución, dispoñible na sede electrónica da Xunta de Galicia https://sede.xunta.gal.
Para a presentación das solicitudes poderase empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
B.- Entidades con sede social en Europa
Excepcionalmente, as entidades domiciliadas fóra do territorio español poderán presentar as solicitudes por calquera dos seguintes procedementos:
- En soporte papel utilizando o formulario normalizado dispoñible na sede electrónica da Xunta de Galicia.
En calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.gal.
O medio de presentación elixido manterase para calquera tipo de relación coa Secretaría Xeral da Emigración ata que remate o procedemento.
No caso de enviarse por correo, o envío deberá ser certificado, co selo de Correos na primeira folla do formulario para garantir que a data de remisión é anterior á de peche da convocatoria.
Enderezo ó que deben enviarse:
Subdirección Xeral da Emigración e das Comunidades Galegas
Secretaría Xeral da Emigración,
Praza Mazarelos, nº 15
15703 Santiago de Compostela.
- Por vía electrónica a través do formulario normalizado que figura como ANEXO I desta resolución, dispoñible na sede electrónica da Xunta de Galicia, https://sede.xunta.gal, cos mesmos requisitos esixidos no apartado A) para as entidades con sede social en España.
As entidades só poderán presentar unha única solicitude para a participación no programa.
As solicitudes ou a documentación que se presente por Fax ou por Correo Electrónico non terán validez a efectos de constancia de presentación nin de cumprimento de prazos.
Contacto e información:
Secretaría Xeral da Emigración.
Teléfonos: 981 547 239 / 981 547 265
Correo electrónico: subdireccionxeral.emigracion@xunta.gal