O secretario xeral de Emigración, Antonio Rodríguez Miranda, visitou o Centro Galego de Valencia, entidade fundada o 21 de febreiro de 1966 para agrupar os galegos e simpatizantes residentes en Valencia e na súa área de influencia, e fomentar entre eles os lazos de amizade, a cultura e o auxilio mutuo.

Tras un período de inactividade a comezos de século, foi a Associació d'Amics de la Gaita de Valencia a que, o 3 de abril de 2011, asumiu en asemblea a xestión do centro para reactivalo de xeito formal. Na actualidade, presidido por Manuel Fortes Pérez, ten a súa sede social en Massanassa.