Alejandro López Dobarro, delegado da Xunta de Galicia en Bos Aires, presidiu a cerimonia de entrega de diplomas aos estudantes da 16.ª promoción de Bacharelato do Instituto Santiago Apóstolo. O evento contou coa presenza do presidente do Centro Galicia de Bos Aires, José María Vila Alén, así como de representantes da Fundación Galicia América, directivos, profesorado e familias, nun acto que destacou pola súa solemnidade e o seu carácter institucional. Durante a cerimonia, os alumnos e interpretaron os himnos galego, arxentino e español, e os presentadores subliñaron o labor do instituto como unha ponte cultural entre Galicia e Arxentina.

No seu discurso de clausura, Alejandro López Dobarro destacou a importancia de aproveitar o coñecemento como ferramenta fundamental para abrir novos camiños e construír un futuro de liberdade e paz. Ademais, o delegado agradeceu o compromiso da comunidade educativa e animou aos novos graduados a manter vivos os valores da galeguidade, apostando sempre pola formación continua e a diversidade cultural como fontes de riqueza persoal e colectiva.