O presidente da Xunta en funcións, Alberto Núñez Feijóo, deu hoxe a benvida aos 127 galegos e galegas residentes no exterior que participan no programa ‘Reencontros na Terra’, transmisores e transmisoras, aseverou, da galeguidade aberta e xenerosa.

Durante a xuntanza, Feijóo agradeceulles o compromiso que manteñen con Galicia, “porque seguides tendo ese sentimento amplo e non excluínte como é a galeguidade. Sodes o expoñente da Galicia real”, incidiu.

O presidente do Executivo autonómico en funcións recalcou que Galicia é hoxe unha Galicia mellor grazas ao esforzo e ao traballo de todos os galegos e galegas e concluíu con palabras de apoio e recoñecemento para todas e todos os que residen no exterior.