O secretario xeral da Emigración, Antonio Rodríguez Miranda, reuniuse este mércores no seu despacho de Santiago de Compostela co equipo do programa radial 'Alborada Gallega', espazo radiofónico producido por Isabel Elena Peleteiro Vázquez que se emite todos os domingos ás 8,00 h. da mañá por Radio Sintonía 1420 AM dende Caracas.

Miranda aproveitou para saudar ás e aos numerosos galegos e galegas de Venezuela e, nesta ocasión, de xeito especial á colectividade dos Hijos de Lalín, que se xuntarán este vindeiro domingo para celebrar o Magosto da Virxe das Dores.