Artigo de Paula Inés Laguarda publicado en Arenal. Revista de Historia de las Mujeres da Universidad de Granada.

Resumo: 
O filme Una gallega en México (1949) permítenos asomarnos ao modo en que o cinema mexicano representou o proceso de aculturación dos refuxiados da Guerra Civil Española nese país e, en particular, a vida cotiá das mulleres no exilio. Ao considerar ao xénero como un elemento constitutivo das relacións sociais, este artigo entende que tanto o exilio como a vida cotiá son modelados polo xénero e que a súa representación fílmica non é só un produto senón tamén parte do proceso da súa construción.