Artigo de Pablo A. Pérez publicado na revista Cuadernos de Estudios Gallegos do CSIC. O artigo trata acerca dun emigrante galego chegado ás Indias no século XVI como integrante dun socorro militar destinado á Guerra de  Arauco. O mesmo quedou establecido na capitanía de Chile, deixando frondosa descendencia na austral illa de  Chiloé -cuxo nome de conquista foi o de provincia de Nova Galicia- ata a actualidade. Indícanse datos históricos sobre o emigrante, así como algúns apuntamentos xenealóxicos do tronco da liñaxe, evidenciando a necesidade de  finalizar un estudo xa comezado anos atrás. En resumo, unha contribución á presenza e herdanza de orixe galega fóra das súas fronteiras.