Artigo de David Miguel Rodríguez Martínez publicado na revista Sémata - Ciencias Sociais e Humanidades da Universidade de Santiago de Compostela.

Resumo:
A alternativa da migración foi unha realidade moi presente na sociedade galega masculina. Non podemos dicir o mesmo das mulleres, que tiveron que afrontar as condicións de xénero tanto na súa partida de Galicia como na súa aventura nas Américas. Neste artigo tentaremos achegar algunhas das limitacións que a migración feminina sufriu, centrándonos nos obstáculos socioculturais e laborais nunha sociedade á deriva que invisibilizou ás que se aventuraron a cruzar o Atlántico. Finalmente, aterraremos no caso mexicano e a súas particularidades.