Artigo de Xosé Ramón Campos Álvarez publicado na revista Minius. Historia, Arte e Xeografía da Universidade de Vigo.

Resumo:
Na década de 1950 os galegos emigraron a Venezuela de xeito masivo, desbancando así aos países ata ese momento receptores da emigración —Arxentina, Cuba, Uruguai ou Brasil—. No presente traballo tratarase de pescudar, a través dos testemuños de algúns dos seus protagonistas, cales foron as causas de dita emigración e por que elixiron Venezuela.