Aprender galego é posible dende todos os cantos do mundo. Non obstante, o número de estudantes dispostos a impregnarse desta lingua romance adoita incrementar cando se volve a vista cara a países como Arxentina, onde os grupos de descendentes de galegos seguen demandando o seu idioma materno. Presentarse aos exames de Celga, acudir a clases particulares e ata crear grupos en Internet, todo ten cabida á hora de coñecer o idioma.