Un encontro para coñecer máis de preto Galicia e seguir reforzando os vínculos coa terra. Os participantes do programa Conecta co Voluntariado en Galicia visitaron esta mañá a Secretaría Xeral da Emigración, onde compartiron un encontro co secretario xeral, Antonio Rodriguez Miranda, antes de continuar cunha experiencia que combina voluntariado, convivencia e achegamento ás súas raíces.

Esta oportunidade tamén serviu para que os mozos e mozas poidan coñecer os programas e recursos que Galicia pon á disposición da súa mocidade no exterior.