O secretario xeral da Emigración, Antonio Rodríguez Miranda, mantivo un encontro en Bonn coas entidades galegas situadas no centro e no noroeste de Alemaña co obxectivo de trasladarlles as liñas de axudas e de colaboración que Emigración mantén abertas nestes intres, como son as referidas a sufragar os gastos de funcionamento e os seus proxectos culturais.

Nesta reunión estiveron presentes as e os directivos do Club Galicia de Bonn, da Asociación Cultural Galega de Hamburgo e do Grupo Cultural Gallego de Troisdorf. O secretario xeral tamén comprometeu, nos próximos meses, a súa visita a Hamburgo co gallo da reinauguración da nova sede do centro galego desta localidade.