O Centro Cultural Gallego de Cuxhaven conta xa con diverso material para a promoción do Camiño de Santiago a través do material de traballo dos empregados do seu restaurante. Este material conta con logo do Xacobeo 21-22 e que lle foi remitido pola Secretaría Xeral da Emigración.

Este envío, que se está realizando ás entidades galegas do exterior, permite dotar de material de traballo a estes centros de restauración pero tamén promocionar o Camiño de Santiago ante estes dous anos de Xacobeo nos que nos atopamos. Entre outro material, enviáronse gorros de cociña, mandís e camisetas co logo do Xacobeo.