O delegado da Xunta en Bos Aires, Alejandro López Dobarro, mantivo unha reunión previa en Bos Aires con participantes do Programa "Conecta con Galicia". Durante o encontro, o delegado deu detalladas explicacións sobre as actividades e experiencias que vivirán en Galicia, así como resolveu dúbidas e fomentou o espírito de grupo entre os participantes.

Os mozos que asistiron a esta reunión chegarán este luns a Galicia para comezar a súa participación no Programa. Durante a súa estancia, terán a oportunidade de coñecer a terra dos seus devanceiros, participar en actividades culturais e deportivas, e establecer vínculos con outros descendentes de galegos de todo o mundo.