O delegado da Xunta en Bos Aires, Alejandro López Dobarro, mantivo unha reunión previa en Bos Aires con participantes do Programa "Conecta con Galicia no Camiño". Durante o encontro, o delegado deu detalladas explicacións sobre as actividades e experiencias que vivirán en Galicia, resolveu dúbidas e fomentou o espírito de grupo entre os participantes.

Os mozos que asistiron a esta reunión chegarán este sábado a Galicia para comezar a súa participación no Programa. Durante a súa estancia, terán a oportunidade de percorrer a pé un tramo de 100 km do Camiño de Santiago, polo Camiño Portugués ou pola Vía da Prata. Coñecer a terra dos seus devanceiros, participar en actividades culturais, e establecer vínculos con outros descendentes de galegos de todo o mundo.

En total, ofertaronse preto de 100 prazas. Os beneficiarios aloxaranse na residencia xuvenil Altamar, en Vigo, ou na residencia xuvenil Florentino López Cuevillas, en Ourense, ambas dependentes da Dirección Xeral de Xuventude da Consellería de Cultura, Lingua e Xuventude.