O Consello da Xunta nomea a Antonio Rodríguez Miranda secretario xeral da Emigración
Licenciado en Ciencias Biolóxicas e técnico superior en Riscos Laborais, ocupa a titularidade da Secretaría Xeral da Emigración desde decembro de 2012.
Natural da Bola, é coordinador de Acción Exterior do PPdeG desde 2013, membro do Comité Executivo do PPdeG desde o ano 2006, así como do Comité Executivo provincial do PP de Ourense.
O Consello da Xunta na súa reunión de hoxe acordou nomear titular da Secretaría Xeral da Emigración, dependente da Presidencia da Xunta de Galicia, a Antonio Rodríguez Miranda, quen xa ocupa este cargo desde decembro de 2012. Rodríguez Miranda, natural do concello da Bola, é licenciado en Ciencias Biolóxicas, na especialidade en Zooloxía, pola Universidade de Santiago de Compostela, e técnico superior en Prevención de Riscos Laborais na especialidade de Seguridade e Hixiene Industrial, ademais de profesor e director de Formación.
A súa traxectoria política comezou en 1999, cando resultou elixido concelleiro en Allariz, concello do que foi voceiro municipal do PP desde o 2001 ata 2012. Deputado no Parlamento de Galicia nas VII, VIII, IX e X lexislaturas, exerceu como voceiro do PPdeG entre os anos 2009 e 2013 e como secretario xeral da Emigración dende 26 decembro de 2012 ata a actualidade.
Na actualidade, é coordinador de Acción Exterior do PPdeG desde 2013, membro do Comité Executivo do PPdeG desde o ano 2006, así como do Comité Executivo provincial do PP de Ourense como responsable de Emigración.
Novas relacionadas