O secretario xeral da Emigración, Antonio Rodríguez Miranda, destacou a importancia de que a Xunta de Galicia e a Embaixada de España en Venezuela traballen conxuntamente na atención dos galegos e galegas no país.

Miranda reuniuse hoxe na Hermandad Gallega de Venezuela co cónsul xeral de España en Caracas, Ramón Molina. O principal obxectivo do encontro foi seguir traballando na coordinación entre as dúas institucións para seguir mellorando a calidade de vida dos galegos e galegas neste país, de cara a darlles a mellor atención social, en particular ás familias afectadas polo terremoto.

Ademais, Miranda trasladoulle ao cónsul o esforzo realizado pola Xunta durante estes anos para acompañar no proceso de retorno ás familias galegas, actuando tanto no país de procedencia como na súa chegada a Galicia.