O secretario xeral da Emigración, Antonio Rodríguez Miranda, mantivo un encontro de traballo coa presidenta do Lar Gallego de Avilés, Ana María Fernández Grela, que serviu para intercambiar impresións sobre os retos actuais da entidade e analizar novas liñas de colaboración para reforzar o seu papel como punto de referencia da galeguidade na zona.

Miranda trasladou o compromiso da Xunta de Galicia de continuar apoiando a estabilidade e a mellora dos servizos que presta a entidade ós socios, recoñecendo o seu labor histórico na preservación da cultura galega. Fundado en 1961 tras a chegada de numerosos traballadores galegos vinculados ao sector sidero-metalúrxico, o Lar Gallego de Avilés conta hoxe cunha sede propia no centro da cidade.