O secretario xeral da Emigración, Antonio Rodríguez Miranda, participou no acto de toma de posesión da nova directiva da Hermandad Gallega de Venezuela, encabezada por Jesús Alberto Bello Couselo, quen asume a presidencia da entidade logo dunha traxectoria destacada dentro da institución. Durante o acto, ao que asistiron máis de 500 persoas, Miranda destacou a importancia da Hermandad como referente da colectividade galega en América Latina e desexou éxitos á nova xunta directiva nesta nova etapa.

Trala cerimonia, o responsable autonómico mantivo un encontro de traballo cos novos responsables da entidade, nos que se abordaron as principais necesidades da colectividade galega en Venezuela e as vías de colaboración coa Xunta de Galicia, tanto no eido social como no cultural e asistencial. Miranda subliñou o compromiso da Administración galega de seguir apoiando á Hermandad e ás súas iniciativas, fundamentais para garantir o benestar da diáspora galega e manter viva a súa identidade.