O secretario xeral da Emigración, Antonio Rodríguez Miranda, reuniuse hoxe coa presidenta do Centro Galego de Comodoro Rivadavia, Bárbara Estrada,  para reforzar os lazos entre a Xunta de Galicia e a comunidade galega na Arxentina. Durante a reunión, Rodríguez Miranda destacou a importancia de manter vivas as tradicións e a cultura galega a través de entidades como o Centro Galego, que leva máis dun século traballando neste labor.

Nesta reunión, Rodríguez Miranda reafirmou o compromiso da Xunta de Galicia cos galegas do exterior, facendo especial fincapé na Estratexia Retorna. Este plan busca facilitar o regreso de ata 30.000 galegos e galegas ao seu país de orixe antes de 2026, a través dunha serie de medidas que inclúen asesoramento en materia de emprego, vivenda e educación. A presidenta do Centro Galego de Comodoro Rivadavia agradeceu o apoio da Xunta e subliñou a importancia de continuar traballando conxuntamente para preservar e difundir a cultura galega entre as novas xeracións.