Miranda dá a benvida os 22 mozos e mozas de Venezuela que participarán na segunda quenda de 'Conecta con Galicia' no aeroporto da Coruña

Imaxe de hoxe no aeroporto coruñés de Alvedro
Imaxe de hoxe no aeroporto coruñés de Alvedro
Listen to this page using ReadSpeaker
A Coruña, 18 de xullo de 2019.

O secretario xeral da Emigración, Antonio Rodríguez Miranda, achegouse este mediodía ao aeroporto de Alvedro para dar a benvida os 22 mozos galegos e galegas procedentes de Venezuela que van participar na segunda quenda de Conecta con Galicia. O programa do Goberno autonómico busca achegar as e os galegos de entre 15 e 20 anos residentes no exterior, nomeadamente en América, á súa terra de orixe para fortalecer os seus vínculos coa Galicia territorial. As rapazas e rapaces galegos do exterior, procedentes de Arxentina, O Uruguai, O Brasil, Venezuela e Cuba, convivirán con outras e outros tantos que viven na comunidade autónoma durante dez días, nos que percorrerán o Camiño de Santiago pola Vía da Prata e gozarán de actividades náuticas no albergue xuvenil de Gandarío.

En imaxes
202 lecturas