Miranda expón as medidas da Xunta para a captación e retención do talento exterior na xornada “Talento na era 4.0”, organizada polo Instituto Galego do Talento, o IESIDE e Abanca
O secretario xeral da Emigración, Antonio Rodríguez Miranda, participou esta tarde na xornada inaugural de Talento na era 4.0, un evento organizado polo Instituto Galego do Talento (IGATA), o Instituto de Educación Superior Intercontinental de la Empresa (IESIDE) e Abanca, celebrado na sede da Obra Social da entidade na capital galega. O responsable do departamento autonómico expuxo durante a súa comparecencia os diferentes programas que a Xunta de Galicia ten en marcha para captar e reter o talento do exterior.
Todas as medidas dirixidas a lograr este obxectivo, como os programas Oportunius, Talento Sénior, Principia ou Pértega, entre outros, están incluídos na Estratexia Retorna 2020, aprobada en abril de 2018 e que acolle outro máis de medio cento de propostas destinadas a fomentar o retorno dos galegos e as galegas residentes no exterior.
Nas xornadas tamén participaron Francisco Servia Fiuza, senior Product Manager en Amazon; Jessica Rey, responsable de Marketing en Casa Grande de Xanceda; Alejandro Álvarez, director financiero de Cafés Candelas; Pablo Mateo, director de Procesos Dixitais e Axilidade Operativa en Abanca; Patricia García, presidenta do Círculo Empresarios Galicia; Iria Vázquez, directora de xestión de Talento y Empleabilidad en Grupo Adecco España, e Lucia González, responsable da área de Galicia do IGATA.
Novas relacionadas