Nun novo día de loito internacional provocado pola barbarie gratuíta e arrepiante, a Galeguidade universal expresa o seu total rexeitamento a calquera tipo de violencia, e a súa fonda solidariedade coas vítimas do atentado de Mánchester, cidade na que se asentan moitos galegos e galegas, aos que quere transmitir o seu máis firme apoio nestes momentos tan difíciles.

Pobo integrado e integrador, o galego sabe que o futuro constrúese sobre os piares do diálogo, o respecto, o acordo e o progreso. A intransixencia non poderá con nós. A violencia non vencerá.