La Costa Fútbol e o RC Celta de Vigo unen forzas para unha semana de fútbol inesquecible no Uruguai

Nenas, nenos, mozas e mozos uruguaios gozan de adestramentos de elite e experiencias únicas nunha iniciativa de colaboración internacional.

  • Imaxe do evento celebrado en Montevideo
    Imaxe do evento celebrado en Montevideo
  • Imaxe do evento celebrado en Montevideo
    Imaxe do evento celebrado en Montevideo
Listen to this page using ReadSpeaker
Montevideo (Uruguai), 5 de febreiro de 2024.

La Costa Fútbol e o Real Club Celta de Vigo levaron a cabo unha semana de adestramento intensivo e experiencias futbolísticas para nenas, nenos e mozas e mozos de 6 a 17 anos, marcando un fito no fomento do fútbol base no Uruguai. A iniciativa contou coa presenza de destacadas figuras e representantes institucionais reforzando os lazos a través do deporte.

A semana de actividades realizouse en instalacións de primeiro nivel, culminando cunha recepción especial no Hotel Sofitel Carrasco, que serviu como punto de encontro para participantes, organizadores e dignatarios. Este evento non só se centrou no adestramento deportivo senón tamén en ofrecer ás e aos mozos unha experiencia cultural e educativa inesquecible.

A inauguración e os eventos asociados contaron coa asistencia de personalidades como a delegada da Xunta no Uruguai, Elvira Domínguez; Julio González, representante da adega galega Terras Gauda no Uruguai; Diego Antelo, presidente de AEGU; o embaixador de España no Uruguai, Santiago Jiménez; o director da Fundación Celta, Germán Arteta; e o empresario Manuel Barros, entre outras e outros. Estas presenzas subliñan a importancia da colaboración internacional e o apoio institucional no desenvolvemento do deporte e a cultura.

Ao longo da semana, as e os novos talentos foron adestrados por profesionais do RC Celta de Vigo, aprendendo técnicas, tácticas e valores que transcenden o terreo de xogo. Ademais, organizáronse obradoiros e charlas sobre a historia do fútbol, a importancia do traballo en equipo e a perseveranza na persecución dos seus soños.

205 lecturas