O secretario xeral da Emigración, Antonio Rodríguez Miranda, xunto co secretario xeral de Política Língüística, Valentín García Gómez, presentarán mañá, mércores 24, ás 20 horas (en España) a través de Facebook Live, o documental A memoria viva realizado polo xornalista Pablo López, sobre o Centro Gallego da Habana. 

Os interesados e interesadas poderán coñecer como se fixo este documental e a historia deste emblemático edificio da man das e dos propios protagonistas: emigrantes que aínda recordan a importancia que o centro tivo para o colectivo de galegas e galegos de Cuba. O documental poderase ver completo a partir do próximo sábado, día 27, nas plataformas GaliciaAberta da Secretaría Xeral da Emigración e na web de Política Lingüística.