As delegacións da Xunta da Arxentina e Uruguai e Xabier Díaz colaboran na formación musical dos galegos e galegas residentes en ambos países

O músico coruñés levou a cabo diversas masterclass así como un concerto en Rosario invitado polo Centro Gallego na Feira Nacional de Colectividades desta cidade.

  • Imaxe no Centro Gallego de Montevideo
    Imaxe no Centro Gallego de Montevideo
  • Imaxe do stand do Centro Gallego de Rosario na Feria de Colectividades 2022
    Imaxe do stand do Centro Gallego de Rosario na Feria de Colectividades 2022
  • Imaxe na Asociación Galega Residentes de Mos de Bos Aires
    Imaxe na Asociación Galega Residentes de Mos de Bos Aires
  • Imaxe no Centro Gallego de Montevideo
    Imaxe no Centro Gallego de Montevideo
  • Imaxe no Centro Gallego de Montevideo
    Imaxe no Centro Gallego de Montevideo
  • Imaxe do stand do Centro Gallego de Rosario na Feria de Colectividades 2022
    Imaxe do stand do Centro Gallego de Rosario na Feria de Colectividades 2022
  • Imaxe do encontro co alumnado do Instituto Argentino Gallego Santiago Apóstol
    Imaxe do encontro co alumnado do Instituto Argentino Gallego Santiago Apóstol
  • Imaxe do encontro co alumnado do Instituto Argentino Gallego Santiago Apóstol
    Imaxe do encontro co alumnado do Instituto Argentino Gallego Santiago Apóstol
Listen to this page using ReadSpeaker
Santiago de Compostela, 21 de novembro de 2022.

A Secretaría Xeral da Emigración e o músico galego Xabier Díaz colaboraron nas últimas semanas na formación musical dos galegos e galegas residentes en Arxentina e Uruguai con diversas masterclass que se desenvolveron tanto nas capitais de ambos países como na cidade de Rosario. 

O artista coruñés, gaiteiro e percusionista, tamén levou a cabo un concerto en Rosario invitado polo Centro Gallego na Feira Nacional de Colectividades desta cidade.

Durante estes días, desenvolveu varias xornadas formativas ás que asistiron galegos e galegas das diferentes entidades galegas na Arxentina e Uruguai e que se levaron a cabo no Centro Gallego de Montevideo, no de Rosario, na Asociación Galega de Residentes de Mos de Bos Aires e no Instituto Argentino Gallego Santiago Apóstol da capital arxentina.

Xabier Díaz, con máis de tres décadas de experiencia ás súas costas, leva realizado colaboracións en discos e concertos con artistas coma Kepa Junquera, Xosé Manuel Budiño, Guadi Galego ou Os Cempés, levando a música galega a países coma México, Cimbabue, Suíza, Bélxica, Irlanda, Noruega ou Italia. 

309 lecturas