Retorna
Atopa a túa medida:
Facilitar información a través da Oficina Integral de Asesoramento e Seguimento ao Retorno sobre:
- Busca de emprego a través do servizo público de emprego
- Apoio ao traslado de empresas
- Canal de información específico do emprendemento e novos/as autónomos/as, trámites coas Administracións, axudas e subvencións
- Orientación para o investimento na Galicia Territorial | Acceder
Ofrecer información a través da Oficina Integral de Asesoramento e Seguimento ao Retorno sobre:
- Trámites e requisitos previos ao retorno.
- Acceso ao sistema educativo español, en todos os seus niveis, así como sobre os trámites administrativos para a escolarización dos/as seus/súas fillos/as.
- Axudas e bolsas para todos os niveis de ensino tanto de ámbito estatal como autonómico.
- Homologación e validación de estudos | Acceder
BOLSAS EXCELENCIA MOCIDADE EXTERIOR - MASTER (BEME), para que a xuventude galega que reside no exterior con formación universitaria veñan a Galicia a cursar un máster que lles permita incorporarse ao mercado laboral galego. Comprenden unha aportación anual de 7.000 euros para os estudantes de Europa e 7.650 para os do resto de países, que chegan a 11.475 euros no caso dos másteres de curso e medio de duración. Durante a súa estancia facilitaráselles orientación laboral para que poidan iniciar a súa traxectoria profesional e establecerse en Galicia | Acceder
RETORNA XUVENTUDE FP - Bolsas para a xuventude do exterior co fin de cursar estudos de Formación Profesional | Acceder
Axudas destinadas a estudantes do Sistema Universitario de Galicia que, por causas sobrevindas e imprevistas acaecidas durante o curso académico, teñan dificultades económicas para continuar os seus estudos. Inclúese entre outros colectivos as persoas galegas retornadas | Acceder
Axudas para persoas tituladas universitarias en situación de desemprego para a matrícula nun máster universitario oficial ofertado polas universidades do Sistema Universitario de Galicia | Acceder
Formación en lingua galega.
Manter e desenvolver a Oficina Integral de Asesoramento e Seguimento ao Retorno, integrada por un conxunto de persoal técnico cualificado que ten como obxectivo asesorar de forma presencial e telemática e efectuar un seguimento personalizado ás persoas emigrantes e ás súas familias | Acceder
Desenvolver a Área de orientación para o emprego por conta allea.
Desenvolver a Área de asesoramento fiscal para o retorno.
Impulsar a Área de apoio ao retorno nas delegacións da Xunta de Galicia e nas oficinas colaboradoras das entidades galegas no exterior.
Continuar facilitando información e axudando á resolución de trámites a través da Oficina Integral de Asesoramento e Seguimento ao Retorno. Esta abordará:
- As axudas de carácter extraordinario e social que poidan ser de aplicación aos galegos retornados de ámbito nacional, autonómico e local.
- Sistemas de acceso a prestacións como a Renda de Inclusión Social de Galicia ou as presentacións non contributivas.
- O procedemento para o recoñecemento e cualificación do grao de discapacidade e información sobre os programas específicos.
- O acceso ao sistema sanitario mediante a tarxeta sanitaria.
- Os programas de axuda da Dirección Xeral de:
-Familia, Infancia e Dinamización Demográfica, incidindo no Programa de Axudas á natalidade e nos destinados a familias numerosas
-Inclusión social
-Maiores e persoas con discapacidade
-Xuventude, Participación e Voluntariado
- Outras cuestións de importancia como natalidade, permisos de residencia e traballo, coberturas sociais e sanitarias para cónxuxes e familiares sen nacionalidade española, etc.
- A documentación que debe traer do país de residencia para realizar trámites coas Administracións públicas en España | Acceder
Difundir e consolidar a Plataforma Virtual Retorno.
Difundir e consolidar o servizo de atención telefónica ao retornado.
Realizar accións de difusión e divulgación das medidas recollidas na Estratexia.
Intensificar a divulgación no exterior, organizando accións informativas e puntos de encontro na diáspora.
Impulsar a divulgación das accións de retorno a través das entidades galegas asentadas no exterior.
Continuar reforzando as sedes da Oficina Integral de Asesoramento e Seguimento ao Retorno.
Incentivar ás asociacións que desenvolven proxectos dirixidos á información e á integración das familias retornadas.
Programa de incentivos á contratación na empresa ordinaria, destinado a facilitar a inserción laboral das persoas desempregadas con dificultades particulares para permanecer no mercado de traballo, favorecer o emprego estable e facilitar a empregabilidade. Subvención á contratación indefinida inicial e á temporal cunha duración mínima de 12 meses e á formación de persoas contratadas cun incremento dun 25% se a persoa é emigrante galega retornada | Acceder
Retorna Cualifica-Emprego: programa que inclúe accións formativas dirixidas a persoas emigrantes galegas para a adquisición de competencias e capacidades, así como a incorporación ao mercado laboral galego | Acceder
Programas de apoio a empresas de inserción laboral e ás súas entidades promotoras:
Programa de fomento e consolidación do emprego nas PEMES de nova creación, que ten por finalidade xerar emprego estable para persoas desempregadas, dinamizando o desenvolvemento de novas iniciativas empresariais en Galicia con especial atención aos concellos rurais galegos cun incremento dun 25% se a persoa é emigrante galega retornada | Acceder
Axudas á contratación indefinida de persoas asalariadas por traballadores/as autónomos/as dentro do programa de promoción e consolidación de emprego autónomo. O incentivo increméntase un 25% se a persoa é emigrante galega retornada. A contía máxima da subvención pode chegar aos 16.250€ para contratación da primeira persoa asalariada e a 22.500€ para a contratación da 2ª e a 3ª.
Facilitar a posibilidade de inclusión de persoas galegas retornadas en empresas galegas a través de acordos coas confederacións e asociacións de empresarios/as galegos/as.
Programa APROL-ECONOMÍA SOCIAL, destinado a fomentar a incorporación de persoas desempregadas e persoas traballadoras temporais a cooperativas e sociedades laborais. Estas axudas incrementaranse nun 25% para os/as emigrantes retornados/as e terán unha contía máxima de 67.500 euros.
Programa APROL-RURAL, que ten como obxectivo o fomento do emprego en colaboración coas entidades locais no medio rural a través da contratación de persoas traballadoras desempregadas para a realización de obras ou servizos de interese xeral e social | Acceder
Informar e facilitar o acceso á vacinación da covid-19 a todas as persoas galegas retornadas de forma rápida e previamente ao acceso ao sistema sanitario.
Continuar promovendo as axudas extraordinarias aos/as emigrantes galegos/as retornados/as para axudar a facer fronte aos gastos extraordinarios derivados do retorno. Cada unidade familiar pode recibir unha subvención de ata 6.000 € | Acceder
Manter a liña de axudas para familias retornadas con fillos/as menores que se instalen en Galicia de 1.000 euros por fillo/as ata o/a segundo/a fillo/a e 1.500 euros a partir do/a terceiro/a, cun incremento do 25% se a residencia é no rural | Acceder
Facilitar o acceso das persoas galegas retornadas ás prestacións sociais ás que teñan dereito.
Atender de forma integral ás mulleres retornadas vítimas da violencia de xénero a través de recursos residenciais de acollida temporal e dos non residenciais | Acceder
Facilitar o acceso das mulleres retornadas vítimas de violencia de xénero ás prestacións ás que teñen dereito | Acceder
Poñer a disposición das persoas galegas retornadas as aulas e espazos da REDE CeMIT, onde poderán acceder libremente a través de internet e facer uso dos equipos tecnolóxicos, así como participar nos programas formativos no ámbito da alfabetización e capacitación dixital para desenvolver as súas competencias dixitais.
Facilitar o acceso das persoas galegas retornadas ao proceso de avaliación e acreditación das competencias profesionais.
Introducir o colectivo como prioritario nos programas de formación da Consellería de Promoción do Emprego e Igualdade tanto nos cursos de formación para desempregados/as como nos programas de talleres e unidades formativas.
Implantar nos sistemas electrónicos das oficinas e nos de formación do Sistema Público de Emprego de Galicia os códigos correspondentes e un protocolo de atención específico para as persoas galegas retornadas.
Acceso á formación profesional marítimo-pesqueira, acuícola e de mergullo.
Dar acceso á rede de centros e procesos de formación da Consellería do Mar.
Dar acceso á formación continua e a especialización que ofrece a Consellería do Mar no ámbito marítimo-pesqueiro (pesca, vela, seguridade e extinción de incendios).
Prestar atención e promover a xestión ante a Administración Xeral do Estado das demandas de homologación de cursos cursados noutros países, así como da posible validación de títulos vinculados aos convenios internacionais relacionados coa formación náutica STCW e STCW-F.
Axudas para a formación de persoal auxiliar no campo da investigación mariña, que teñen unha duración de dous anos e unha dotación mensual | Acceder
Programa Retorna Acelera-Emprendemento: Programa para impulsar a creación de empresas cunha fase de pre-aceleración de acompañamento e titorización e unha fase de aceleración para os proxectos máis viables.
Promover o autoemprego e a creación de empresas por persoas galegas retornadas, a través do retorno emprendedor, coas que estes/as emprendedores/as poderán ter unha aportación de ata 10.000 euros, incentivando a creación de empresas por mulleres e nos concellos rurais | Acceder
Programa de promoción e consolidación do emprego autónomo. Dá acceso ás axudas a desempregados/as que desenvolven a súa actividade empresarial ou profesional en Galicia como traballadores/as autónomos/as por conta propia e incentiva a creación de emprego autónomo, cun incremento dun 25% se a persoa é emigrante galega retornada. Contía máxima 10.000 € | Acceder
PROGRAMA EMEGA. Comprende un conxunto de axudas dirixidas a apoiar a posta en marcha, a mellora e a reactivación de iniciativas empresariais constituídas por mulleres e a favorecer a conciliación familiar e dar acceso aos servizos específicos de acompañamento, asesoramento e titorización con obxecto de facilitar a implantación e a consolidación dos proxectos empresariais promovidos por mulleres. Dentro deste programa podemos atopar distintas liñas de axuda: Emprende, Innova, Activa, ITEF, Concilia e Dual | Acceder
Programa de APOIO ÁS INICIATIVAS DE EMPREGO DE BASE TECNOLÓXICA (IEBT). Pretende dinamizar a vocación emprendedora da comunidade universitaria e aproveitar o potencial empresarial das persoas dedicadas á investigación e das que teñen amplos coñecementos das novas tecnoloxías, así como impulsar a transformación do coñecemento creado nas universidades e nos centros de investigación en proxectos xeradores de riqueza e de emprego. Con este programa subvenciónase a creación de traballo indefinido. Estas axudas incrementaranse nun 25% para as persoas emigrantes galegas retornadas e terán unha contía máxima de 24.000 euros | Acceder
A REDE GALEGA DE ACELERADORAS DA INNOVACIÓN ofrece un apoio intensivo nas primeiras etapas de nacemento empresarial prestando soporte específico á evolución dende ideas incipientes a prototipos, ou dende os prototipos ata produtos listos para o mercado a través dunha programación temporal inferior ao habitual nestes procesos, e captando proxectos desenvolvidos por investigadores/as e emprendedores/as no estranxeiro | Acceder
Axudas dos grupos de acción local de pesca. Destinadas a fomentar a diversificación e complementariedade da economía marítimo-pesqueira en zonas costeiras. A porcentaxe máxima da axuda para proxectos de investimento produtivo ascende ao 50% do gasto total subvencionable ata un máximo de 200.000€ por promotor/a durante un período de tres exercicios | Acceder
Axudas para a incorporación de mozos/as á actividade extractiva (pesca e marisqueo). Contribúen á primeira compra dunha embarcación pesqueira por persoas menores de 40 anos que traballaran durante polo menos cinco anos como pescadores/as ou posúan a titulación profesional requirida segundo o tipo de embarcación que desexan adquirir. A axuda é do 25% do custo da embarcación, podendo alcanzar os 75.000€.
Axudas de apoio ás Pemes de transformación de produtos de pesca e acuicultura.
Axudas destinadas a proxectos produtivos localizados na Galicia rural e promovidos por persoas físicas ou xurídicas privadas. A intensidade da axuda será como mínimo do 15% e como máximo do 50% do investimento total subvencionable. O importe da axuda limitarase a un máximo de 200.000€.
Axudas destinadas a proxectos non produtivos. A intensidade da axuda estará entre un mínimo do 30% e como máximo do 100% do total do investimento subvencionable. O importe da axuda limitarase a un máximo de 200.000€, non obstante, poderase chegar a 250.000€.
Axudas para proxectos de investimento en actividades non agrícolas. O obxectivo é apoiar, por un lado, a adquisición de maquinaria e equipos en empresas existentes no medio rural e, por outro lado, impulsar novas actividades empresariais nas vilas modelo.
Priorizar para alugar terras no Banco de Terras de Galicia para as persoas galegas retornadas | Acceder
Axudas para a incorporación da xuventude á actividade agraria.
Facilitar a participación das persoas emigrantes retornadas nos programas de inclusión sociolaboral.
Facilitar a aproximación á realidade de Galicia a aquelas persoas galegas que levan moito tempo lonxe da nosa terra.
Poñer a disposición das persoas retornadas os espazos do Gaiástech para o lanzamento da súa actividade emprendedora de proxectos dixitais en Galicia.
Ofrecer ás persoas galegas retornadas liñas de financiamento sen avais (micro-créditos) para que comecen a súa actividade empresarial por conta propia.
Asesorar e axudar no acceso aos PRÉSTAMOS IFI: IFI INNOVA, de apoio financeiro a proxectos innovadores de pemes, financiando activos tanxibles e intanxibles e gastos de desenvolvemento e innovación (para importes de ata 500.000 euros). Beneficiaranse de xuros reducidos e garantías adicionais á responsabilidade das sociedades de préstamo ata certas contías | Acceder
Facilitar os medios para o seu traslado a Galicia a aqueles/as galegos/as que teñen unha pequena empresa no seu país de acollida, incentivando o seu establecemento no rural.
Asesoramento e axuda no acceso aos préstamos directos do IGAPE, na súa modalidade de préstamos para Investimentos Estratéxicos: Financiamento de ata o 50% de investimentos en activos fixos de, como mínimo e con carácter xeral, 1.000.000 €. Tamén poden ser financiadas as necesidades de circulante estrutural.
Mellorar as condicións de acceso das familias retornadas a todas as medidas favorecedoras da natalidade, como a Tarxeta Benvida. Mediante esta última, as familias obterán unha axuda de 1.200 euros ao ano no primeiro ano de vida do/a seu/súa fillo/a, ampliable ata os 3 anos nalgúns casos | Acceder
Facilitar o acceso no momento do retorno e fóra dos prazos establecidos ás Escolas Infantís.
Ofrecer información, a través da Oficina Integral de Asesoramento e Seguimento ao Retorno sobre os programas destinados a investigadores/as e ao emprendemento innovador.
Portal de TALENTO e MAPA DE ECOSISTEMA I+D+I: Reforzar os programas de xeración, atracción e retorno do Talento para a I+D+i a nivel internacional e difusión das ofertas de demandas laborais para a I+D+i.
Campaña de internacionalización das accións de Talento.
PROGRAMA TALENTO SÉNIOR: Axudas para a contratación de persoal altamente cualificado, por un período mínimo de tres anos e con máis de 5 anos de experiencia profesional para desenvolver a súa carreira profesional en empresas e centros de investigación, así como para estimular a demanda no sector público e privado de profesionais cualificados para acometer proxectos de I+D+i en Galicia | Acceder
O PROGRAMA DE DOUTORADO INDUSTRIAL financia o desenvolvemento de teses doutorais nunha empresa ou centro de innovación e tecnoloxía, interesado en contratar persoal investigador predoutoral para realizar un proxecto de investigación industrial en colaboración cunha universidade do SUG | Acceder
O PROGRAMA OPORTUNIUS xera oportunidades para o persoal investigador de excelencia que queira desenvolver a súa carreira científica en Galicia, reforzando as opcións de acceso e os beneficios asociados ás axudas do Consello Europeo de Investigación, co fin último de facilitar a estabilidade dos/as mellores investigadores/as galegos/as e atraer a outros/as científicos/as de excelencia de fóra de Galicia | Acceder
PROGRAMA PRINCIPIA. Apoio á contratación de persoal vinculado a tarefas de I+D+i, en concreto persoas menores de 30 anos | Acceder
Asesoramento e axuda no acceso aos incentivos económicos rexionais que teñen por finalidade fomentar o desenvolvemento económico rexional a través do apoio financeiro á implantación de proxectos empresariais en Galicia para corrixir os desequilibrios territoriais existentes.
Asesoramento e axuda no acceso ao programa Reavais do Igape ao amparo do convenio Igape-SGR, que permite o acceso a préstamos bancarios avalados polas SGR, de entre 3.000 e 1.000.000 euros, con prazos de amortización de ata 10 anos, para destinar ao investimento, circulante, operacións de tráfico comercial ou garantías ante terceiros.
Participación de persoas galegas retornadas nos COWORKING EOI – Igape, que se organicen na Comunidade Autónoma de Galicia.
Rodas de financiamento como “Business Angels” daqueles proxectos de emprendedores/as con máis posibilidades de saír adiante e que busquen liñas de financiamento.
Na potenciación do sistema de BBAA de Galicia e a xeración de eventos tipo “investor days” poderanse presentar proxectos emprendedores con potencialidade e interese de investimento. Se houbese masa crítica, poderíase pensar nun investor day específico para proxectos de emigrantes retornados/as.
Propostas de investimento ás empresas galegas que estean en proceso de ampliación do seu accionariado.
Asesoramento e axuda no acceso aos incentivos económicos rexionais e ás axudas do Galicia Inviste, que ten por finalidade fomentar o desenvolvemento económico rexional a través do apoio financeiro, mediante subvencións a fondo perdido, á implantación de proxectos empresariais en Galicia para corrixir os desequilibrios territoriais existentes.
Asesoramento e axuda para conseguir a marca Galicia Calidade | Acceder
Axudas para a obtención do permiso de condución clase B e C á xuventude retornada residente en Galicia e beneficiaria do Sistema Nacional de Garantía Xuvenil | Acceder
Facilitar o acceso antes do retorno ao programa Carné Xove. Programa de desconto para mozos/as no acceso a bens e servizos | Acceder
Facilitar o coñecemento da realidade de Galicia como opción de retorno a través do programa Conecta con Galicia: programa de actividades lúdico-educativas e de coñecemento da cultura e o patrimonio galego para mozos/as galegos/as residentes no exterior co obxectivo de xerar o vínculo con Galicia e fomentar o espírito de retorno | Acceder
Facilitar o coñecemento da realidade de Galicia como opción de retorno a través do programa Campamento de Voluntariado: programa de actividades lúdico-educativas que participan en actividades con compoñente social e desfrutando dun programa de ocio educativo, co obxectivo de xerar o vínculo con Galicia e fomentar o espírito de retorno | Acceder
Facilitar á xuventude retornada unha completa programación a través do programa Xuventude Mentoring, programa integral de formación e titoría para mozos/as titulados/as e inscritos/as no Sistema Nacional de Garantía Xuvenil | Acceder
Apoiar a integración mediante o programa de voluntariado ambiental interxeracional que se desenvolve en accións en parque naturais e espazos protexidos da Comunidade Autónoma de Galicia.
Facilitar o acceso da xuventude retornada ás diferentes liñas de axuda para o desenvolvemento de proxectos xuvenís do programa Iniciativa Xove | Acceder
Consolidar o espazo web para o encontro entre empresas galegas e profesionais galegos/as emigrados/as especializados/as no ámbito TIC a través do portal RETORNA DIXITAL, que conta cun directorio de empresas para que os/as profesionais interesados/as poidan contactar directamente coas entidades ofertantes de postos de traballo.
Contribuír a difundir as capacidades tecnolóxicas do territorio galego mediante un programa de webinarios e eventos de networking co fin de atraer talento galego do exterior.
- Difundir entre a cidadanía e executar as actuacións implementadas na Estratexia Retorna a través dos medios xa dispoñibles no Gaiástech.
- Empregar o servizo de axenda e boletín do Gaiástech para favorecer a difusión e a publicidade de actos relacionados cos obxectivos temáticos da Estratexia Retorna.
- Empregar o servizo de organización de actos coa posibilidade de reserva de espazos e equipamentos ao servizo de streaming para a celebración de eventos en liña | Acceder
Dar a coñecer entre as persoas retornadas galegas que poñan iniciativas empresariais en Galicia, os programas de asesoramento empresarial Reacciona e Reacciona TIC, para contribuír ao aumento de nivel de dixitalización do tecido empresarial galego.
Fomentar o acceso ás persoas galegas residentes no exterior á Administración electrónica para que, entre outras poidan realizar xestións relacionadas coa busca de emprego dende o exterior.
Facilitar o establecemento na comunidade autónoma galega cunha axuda de 500 euros por unidade familiar destinada a sufragar os gastos derivados das primeiras xestións para garantir o acceso a unha vivenda.
Acceder ás vivendas de promoción pública por parte das persoas galegas retornadas en igualdade de condicións que o resto das persoas galegas e facilitar a súa inscrición no Rexistro Único de Demandantes de Vivenda da Comunidade autónoma de Galicia.
Acceder ás axudas ao aluguer por parte das persoas galegas retornadas en igualdade de condicións que o resto das persoas galegas dende o seu empadroamento nun concello galego.
Potenciar o retorno na planificación das políticas de vivenda do Goberno Galego.
Incluír nos programas de axudas para a rehabilitación de vivendas ás persoas galegas retornadas.
