De acordo co establecido no artigo 16 da resolución do 11 de febreiro de 2019, da Secretaría  Xeral da Emigración, pola que se aprobaron as bases reguladoras e procedeuse á convocatoria de 150 bolsas excelencia mocidade exterior ( BEME 19), co fin de cursar estudos de máster que se inicien no curso 2019/20 nunha universidade galega, procédese á publicación de:

Nos casos de empate na puntuación obtida, deuse prioridade a quen tivera unha nota media máis alta no expediente académico, en segundo lugar á maior vinculación con Galicia, e en terceiro lugar á maior idade da persoa solicitante, segundo o establecido no artigo 15.4 da resolución da convocatoria.

Esta proposta de resolución definitiva notifícase ás persoas interesadas mediante a súa publicación nesta web, para que no prazo de cinco (5) días hábiles a contar a partir do seguinte ao da publicación, presenten as alegacións oportunas.

PRAZO DE PRESENTACIÓN DE ALEGACIÓNS: DO 22 DE XUÑO AO 28 DE XUÑO DE 2019 (ás 23.59 horas horario peninsular Española) ambos incluídos.

Data publicación páxina web: 21.06.2019

SEGUINTES TRÁMITES DESTA CONVOCATORIA DE BOLSAS 2019:
1) Preinscrición ou solicitude de praza nas universidades
As tres universidades xa abriron o prazo de preinscrición ou de solicitude de praza, polo que se debe realizar dentro destes prazos a solicitude de admisión. Máis información na web.

2) Xustificante de estar matriculado/a nun máster
Os/as candidatos/as que figuran na listaxe de candidatos/as admitidos/as definitivos/as e na listaxe de suplentes, teñen de prazo ata o día 9 de agosto de 2019, ás 23:59 horas (hora peninsular española), para  acreditar estar matriculados/as nun máster dos ofertados nesta convocatoria, mediante o envío do xustificante de matrícula a través da plataforma.

As 150 persoas da lista de candidatas admitidas definitiva, sempre que acrediten estar matriculadas nun máster dentro do prazo sinalado no parágrafo anterior, pasarían a ser beneficiarias da bolsa. 

As 147 persoas que figuran na lista de suplentes, sempre que acrediten estar matriculadas nun máster nese mesmo prazo, poderían chegar a ser adxudicatarias da bolsa no caso de que houbese vacantes porque persoas da lista de candidatas admitidas definitiva non se matriculasen.

MOI IMPORTANTE: No caso de que algunha persoa destas listas de candidatas admitidas ou suplentes decida non continuar no proceso de selección desta convocatoria de bolsas, debe enviar a partir do mes de xullo un escrito de DESISTENCIA a través da plataforma de bolsas para non prexudicar a outros candidatos ou suplentes  que poderían ter opción de ser bolseiros.

3) Publicación na web de nota informativa de publicación de adxudicatarios/as e suplentes
No mes de agosto publicarase na web unha “nota informativa” con estas listaxes para que as persoas beneficiarias preparen a súa viaxe a España:

      a) Listado das persoas beneficiarias das bolsas (formada polas 150 persoas que teñan a puntuación máis alta de todos/as os/as candidatos/as que acreditasen estar matriculados/as nun máster )
        b) Listado das persoas suplentes (formada por un máximo das seguintes 30 persoas segundo a orde de puntuación outorgada que acreditasen estar matriculados/as nun máster para os casos de renuncias ou baixas das beneficiarias da bolsa).

4) Publicación no Diario Oficial de Galicia 
No mes de setembro publicaranse os listados de beneficiarios/as, suplentes e solicitudes denegadas