A delegada da Xunta en Uruguai, Elvira Domínguez, visitou a exposición "Lenzos e Pinceladas" que acolle o Centro Galego de Montevideo e protagonizada pola artista Mariela Zilli e outros pintores de ascendencia galega como Bernardette Echeverry, Julia Ma. Fonseca e Federico Veiga. As obras presentadas reflicten festividades galegas e lugares históricos, cun toque especial sobre a cultura ecuestre.

O evento contou coa presencia da cónsul María Victoria Scola e foi amenizado con danzas tradicionais galegas a cargo do grupo Enxebre, reforzando o vínculo cultural entre Galicia e Uruguai.