O vicepresidente da Xunta, Alfonso Rueda, e o secretario xeral da Emigración, Antonio Rodríguez Miranda visitaron onte o Hospital Español de México e entrevistáronse cos responsables do Hospital Español de México, institución na que historicamente vén sendo atendida unha parte das colectividades galega e española, e que arestora preside o galego Daniel Suárez.

O titular da Vicepresidencia e o secretario xeral da Emigración aproveitaron a súa estadía na capital azteca para visitar a entidade sanitaria que está recoñecida coma un dos modelos hospitalarios de maior calidade asistencial e humanitaria en América.