Publicación das listaxes definitivas de formadores/as colaboradores/as para impartir obradoiros e seminarios fóra de Galicia,  aprobadas por resolución do secretario xeral da Emigración de data 28 de maio de 2014.

O secretario xeral da Emigración aprobou a actualización das listaxes definitivas de formadores/as colaboradores/as, proposta pola Comisión Avaliadora prevista no artigo 7 da Resolución do 11 de febreiro de 2013, pola que se regula o procedemento para a elaboración de listaxes de formadores/as colaboradores/as para impartiren seminarios fóra de Galicia e se abre o prazo para a inscrición de candidatos/as.

Contra esta resolución, que esgota a vía administrativa, as persoas interesadas poderán interpoñer recurso potestativo de reposición,ante a Secretaría Xeral da Emigración, no prazo dun mes contado a partir do día seguinte ao da publicación destas listaxes, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, ante o órgano competente da xurisdición contencioso-administrativa.

Listados para descargar:

• Anexo I: Baile (picar aquí para descargar)
• Anexo II: Gaita (picar aquí para descargar)
• Anexo III: Percusión (picar aquí para descargar)
• Anexo IV: Pandeireta (picar aquí para descargar)
• Anexo V: Canto (picar aquí para descargar)
• Anexo VI: Confección de traxes rexionais (picar aquí para descargar)
• Anexo VII: Cociña Galega (picar aquí para descargar)
• Anexo VIII: Outros instrumentos e actividades artesanais (picar aquí para descargar)