O secretario xeral da Emigración, Antonio Rodríguez Miranda, participou no Centro Español de Bos Aires, xunto ó Delegado da Xunta en Bos Aires, Alejandro López Dobarro, nun encontro coa colectividade cultural galega con motivo da visita do grupo Luar na Lubre, que continúa a súa xira internacional coincidindo co seu 40 aniversario.

No acto tamén estivo presente o delegado da Xunta en Arxentina, Alejandro López Dobarro, nunha xornada que reuniu a numerosos membros da colectividade para celebrar a música e a cultura galega nun dos espazos históricos da emigración na capital arxentina. Un estímulo para os máis mozos, xa que para eles, é un aliciente encontrarse con artistas de proxección internacional e achegarse a cultura galega.

Durante o encontro, Miranda puxo en valor o papel da música e da cultura como elementos fundamentais para fortalecer os vínculos entre Galicia e a súa diáspora, ao tempo que agradeceu o labor que realizan as entidades da colectividade para manter viva a identidade galega no exterior.