Galicia é a sexta comunidade española en número de empresas exportadoras.

O esforzo colectivo de empresarios e Goberno incrementou as cifras do comercio exterior de Galicia. No primeiro semestre do 2010, as vendas ao exterior das empresas galegas alcanzaron unha cifra de 7.387,2 millóns de euros, o que representa un incremento do 18% respecto do mesmo período do ano anterior.

O superávit comercial da comunidade neste período foi de 994,3 millóns de euros, un 138,7% máis que no primeiro semestre do 2009. Os últimos datos sitúan Galicia como a sexta comunidade de España en número de empresas exportadoras.

Actualmente, os principais mercados para as empresas galegas permanecen dentro de Europa. Ocupan os seis primeiros postos Portugal, Francia, Italia, Reino Unido, Alemaña e Andorra. Fóra do continente europeo, Galicia exporta principalmente a Estados Unidos, Uruguai e Marrocos.