Os fillos de emigrantes fortalecen os seus lazos con Galicia no Congreso Europeo da Xuventude Galega no Exterior

Reportaxe

A xuventude galega que vive noutros países de Europa foi a protagonista do Congreso Europeo da Xuventude Galega non exterior, celebrado do 5 ao 7 de novembro na cidade alemá de Nürnberg. Máis de 70 mozos procedentes de países como Inglaterra, Grecia, Suecia, Francia ou Alemaña asistiron ao encontro organizado polo Centro Galego de Nürnberg. A iniciativa pretende fomentar a participación dos mozos na comunidade galega nos seus países de residencia, ademais de buscar respostas ás demandas das xeracións de descendentes dos emigrantes.

O Congreso tivo lugar na sede do Centro Galego de Nürnberg, onde os participantes debateron sobre temas relacionados coa comunicación, o retorno a Galicia como opción de futuro e tamén sobre tecnoloxía e identidade galega. Nesta ocasión, 80 fillos de emigrantes galegos fixeron un repaso polas canles de comunicación e información sobre Galicia que teñen dispoñibles os mozos que residen no exterior e formularon unha representación directa no Consello da Xuventude de Galicia a través da creación dunha asociación.

Descarga as conclusións do congreso premendo aquí.

Ler máis sobre isto...

  • O Secretario Xeral da Emigración, Santiago Camba, inaugurou o Congreso.
  • O primeiro día tivo lugar unha cea na sede do Centro Galego de Nürnberg.
  • Os participantes distribuironse en relatorios en función das distintas áreas temáticas.
  • O retorno foi unha das áreas de debate.
  • A mocidade galega do exterior mostrou o seu interese polos asuntos relacionados coa súa terra.
2653 lecturas