• O obxectivo é definir legalmente a figura do emigrante retornado.

Un dos temas centrais debatidos no Congreso Europeo da Xuventude Galega no Exterior foi o anteproxecto dunha lei de retorno. O obxectivo é establecer un marco legal que defina a figura do emigrante retornado.

«Ás conclusións ás que chegamos son que ou galego retornado é aquela persoa que tivo como última vecindade administrativa Galicia, ou o seu conxugue e familiares ata ou primeiro grao de consanguinidade», explicou Sonia Méndez, que reside en Grecia e participou no relatorio sobre o retorno como opción de futuro. Outro requisito, segundo Méndez, é ter residido fóra de Galicia un mínimo de 5 anos e manter a súa condición de galego retornado por un prazo dun a dous anos.

Representación
Os participantes no encontro pediron unha maior dinamización das actividades dos centros galegos no exterior para atraer a participación dos mozos. Tamén demandaron un maior protagonismo destes órganos representativos e a profesionalización da súa xestión.

«O punto principal foi entorno a idea de reinventar vos centros galegos para que na función ou actividades se arrimen máis ás necesidades destes tempos. Sempre contando coa axuda e participación dás antigas xeracións», contou Maximiliano Rivas, que vive en Alemaña e participou durante máis de 15 anos no Centro Galego de Nürnberg.

Impresións
Para os mozos asistentes ao Congreso Europeo da Xuventude Galega no Exterior, o encontro foi unha boa ocasión para compartir experiencias de vida fóra de Galicia. «Foi unha oportunidade para dar a coñecer ás problemáticas ás que se enfronta vos mozos que se atopan, tanto fora da península, como dentro, pero noutra comunidade autónoma» subliñou Sonia Méndez.

Tamén é un xeito de decatarse dos problemas e accións levadas a cabo polas diferentes asociacións de galegos en toda Europa. «Se as resolucións se levan a cabo, polo menos en parte, estou seguro que foi un encontro moi produtivo», engadiu Maximiliano Rivas.