As relacións transfórmanse a niveis vertixinosos: as persoas intercambian opinións, crean información e formalizan encontros grazas á interactividade que ofrece a Rede. Esta historia común, forxada nun novo xeito de relacionarse, promove que cada vez máis xurdan novos grupos en Internet dos que tiveron que deixar o seu país. Aquí están algunhas historias dos que se foron de Galicia, pero manteñen aínda vivas as relacións cos seus grazas á web.