O vicepresidente da Xunta, Alfonso Rueda destacou hoxe, no marco dos actos da celebración do “Bos Aires Celebra Galicia”, a vontade de Galicia e Arxentina de proxectar cara ao futuro o seu sentimento de pertenza mutua.

Alfonso Rueda, acompañado do secretario xeral da Emigración, Antonio Rodríguez Miranda, estiveron hoxe participando nos actos da celebración do “Bos Aires Celebra Galicia”, que como en anos anteriores congregou á colectividade galega ao longo da Avenida de Maio bonaerense. 

O titular da Vicepresidencia agradeceu ás comunidades galegas que fan posible este día a súa participación e colaboración, e que hoxe, por segundo ano consecutivo, a gran Avenida de Maio bonaerense cóbrese de cor azul e branca, como a nosa bandeira, cultura, tradición, sabor e música galega, e tal como destacou o vicepresidente é  celebrar Galicia no centro de Bos Aires como merece Galicia.

Rueda agradeceu ao Goberno de Bos Aires, que lanzou esta iniciativa para as comunidades de outros países que residen aquí teñen a oportunidade de render homenaxe á súa terra natal, sendo  a comunidade galega unha das máis enraizadas, activas e unida, xa que o grupo de inmigrantes e descendentes de emigrantes galegas e galegos que, inda que están lonxe  senten Galicia máis preto que nunca. 

Segundo relatou Alfonso Rueda, somos un pobo que sempre mirou para a fronte para o mundo da universalidade e foi a emigración quen borrou as nosas fronteiras e nos deu unha quinta provincia deste lado do océano.

No marco da celebración Buenos Aires Celebra Galicia foron entregadas as medallas ás e aos participantes no programa  “Conecta con Galicia 2015”, onde Alfonso Rueda agradeceu aos mozos e mozas descendentes de emigrantes galegos e galegas o seu interese por seguir mantendo vivo o amor e o respecto por Galicia. O programa da Xunta “Conecta con Galicia”, contou con esta edición con 174 xoves de países como Arxentina, Uruguai, Venezuela, Brasil, Cuba e Perú, todos descendentes de galegas e galegos.