O Lar Galego de Pamplona - Casa de Galicia en Navarra festexou o Santiago Apóstolo cun programa de eventos que deu comezo o sábado 22 de xullo co lanzamento a cargo de Jesús de Val, socio de honra da entidade, do tradicional chupinazo.

Xa o martes 25, Día de Galicia e do Apóstolo, oficiouse unha misa na parroquia de San Francisco Javier, coa posterior procesión da imaxe de Santiago o Maior ata a sede da entidade galega, na pamplonica rúa de San Fermín. Houbo, tamén, música e bailes tradicionais galegos en honor ao noso Patrón e, xa pola noite, a foliada rematou coa tradicional queimada.

Fonte e fotos: Lar Galego de Pamplona