O Carballo de Conxo chega á fase final da Árbore Europea do 2022
Santiago de Compostela, 1 de febreiro de 2022.
O organismo europeo Bosques sen Fronteiras chega á súa fase final no concurso para elixir a árbore europea 2022, nomeamento ao que se postula o Carballo de Conxo, un elemento vexetal sobranceiro de Santiago de Compostela que conta con máis de 260 anos de antigüidade e que se atopa situado ao sur da capital galega. Dende hoxe ata o próximo 28 de febreiro, está aberta a votación nesta ligazón.
A carón desta árbore centenaria paseou no seu día a propia Rosalía de Castro, sendo así un dos emblemas da historia contemporánea de Galicia, e agora toda a colectividade galega do exterior está convidada a apoiar esta candidatura. O Carballo de Conxo é o único candidato español a este premio.
Novas relacionadas