O secretario xeral da Emigración, Antonio Rodríguez Miranda, visitou no Centro Residencial Docente (CRD) de Ourense os 70 formadores de distintas disciplinas que participan nesta nova edición de “Escolas Abertas”. O responsable autonómico aproveitou a tarde para coñecer de primeira man a experiencia dos alumnos de cada unha das seis especialidades incluídas no programa da Xunta de Galicia: gaita tradicional galega, baile tradicional galego, percusión tradicional galega, canto popular e pandeireta, e confección de traxe tradicional galego (especialidades demandadas polas propias comunidades galegas), e a novidade deste ano, habilidades directivas. Os formadores, convertidos en pupilos durante a súa estadía en Galicia, proceden da Arxentina, Cuba, O Uruguai, Venezuela, O Brasil, Chile, España, os Estados Unidos de América, México e Suíza, onde á súa volta poderán estender os coñecementos adquiridos durante estas dúas semanas de intensa carga lectiva aos seus propios alumnos.