O secretario xeral da Emigración, Antonio Rodríguez Miranda, e a subdirectora xeral de Coordinación Administrativa, Económica e de Programas Sociais, María Baleato, mantiveron unha reunión de traballo co presidente da Federación de Sociedades Gallegas de Cuba, Sergio Manuel Toledo, na sede da institución autonómica, na praza de Mazarelos.

A Federación de Sociedades Gallegas de Cuba conta dende 2007 cunha Oficina Social de Información e Asesoramento situada na Habana que permite tramitar as axudas de atención social aos galegos e galegas residentes neste país e organizar ás e aos coordinadores das distintas provincias cubanas. Esta asociación sen ánimo de lucro ten a súa sede no Palacio do antigo Centro Gallego da Habana, sendo a entidade galega de referencia en todo o país e desenvolvendo actividades que contribúen a manter e reforzar os vínculos coa galeguidade cubana e a difusión do noso patrimonio cultural e artístico. 

A Secretaría Xeral da Emigración leva anos colaborando coa Federación de Sociedades Gallegas de Cuba, xa que considera necesario contribuír á prestación de asistencia á colectividade galega residente neste país caribeño que estean a pasar dificultades vitais. En Cuba residen na actualidade case 46.600 cidadás e cidadáns de ascendencia galega.