O primeiro tramo do Camiño de Santiago pola Vía da Prata, que realizou un dos grupos de rapazas e rapaces da segunda quenda do programa 'Conecta con Galicia', obtivo un importante eco nos medios de comunicación galegos, tanto audiovisuais coma impresos e en liña. As e os participantes, que coinciden nesta actividade con mozas e mozos residentes na propia Galicia territorial, foron ademáis acompañados nos primeiros metros, desde a Praza Maior de Ourense ata a Ponte Romana da capital das Burgas, polo vicepresidente da Xunta, Alfonso Rueda; o secretario xeral da Emigración, Antonio Rodríguez Miranda; a delegada da Xunta na provincia, Marisol Díaz Mouteira; o alcalde da cidade, Jesús Vázquez; o subdelegado do Estado, Roberto Castro; e mailo vicepresidente da Deputación Provincial, Rosendo Luis Fernández; entre outras autoridades.

Achegamos ligazón á reportaxe (picar aquí para acceder) que, en directo, fixo a Televisión de Galicia da saída do grupo, con entrevistas a Verónica e Francisco, dous das e dos participantes.