O martes 4 de decembro das 16:00 ás 20:00 h, na Arbeitnehmerkammer da cidade hanseática, celebrarase a xornada informativa Vivir e traballar en Bremen, con entrada gratuíta.

• Nesta xornada poderase asistir ás charlas en español e en alemán (con tradutor) e consultar as túas dúbidas nas casetas informativas das diferentes institucións.
• Haberá unha mesa redonda na que se poderán intercambiar experiencias con outros/as españois/las da zona.
• De levar o CV, poderase pedir unha revisión rápida.

Temas que se tratarán:

• Onde e como podo atopar traballo na rexión? 
• Que dereitos e obrigacións teño no meu traballo? 
• Quen me informa sobre o seguro de enfermidade, as prestacións ou as miñas cotizacións sociais en Alemaña?
• Recoñécese a miña titulación en Alemaña? 

Programa: picar aquí para descargar

Inscrición: enviar un correo-e co nome á dirección dusseldorf@mitramiss.es (as prazas son limitadas)