O Centro Galego de Salamanca organiza o venres 1 de maio o Festival Miña Ruliña, un encontro de música folk de Galicia e Castela e León que terá lugar na localidade charra de Escurial de la Sierra.

Esta cita especial contará cunha programación á altura do evento:

• 11:00 horas no Concello: Recepción de visitantes con café e perronillas.
• 11:30 horas no Concello: Senda da auga (ruta guiada polo pobo).
• 12:30 horas na igrexa de Pilar de arriba: Pasacalles de gaitas charras e galegas.
• 13:00 horas na Praza: Mediodía folclórico coa Agrupación de Gaita, Tamboril e Acordeóns da Escola Municipal de Música e Danza de Salamanca, da Agrupación Foles e Ferreñas, do Grupo La Rosca de Escurial e do Grupo Pandeireteiras A Esmorga.
• 14:30 horas na Praza: Comida popular (7€).
• 17:30 horas na Carpa do Polideportivo: Concertos folk.
• 21:30 horas na Carpa: Sesión Folk.

O momento estrela chegará cos concertos:

• Caamaño e Ameixeiras, ás 17:30 horas.
• Trío El Naán, ás 19:00 horas.

Todas as actividades, agás a comida popular, serán gratuítas.

Máis info: Facebook | Instagram | Web.