As asociacións culturais galegas de Suíza celebran o 23 e 24 de maio o Festival das Letras Galegas en Lausanne. Serán dúas xornadas festivas cheas de tradición popular, no Pôle Sud desta cidade suíza, con concertos, obradoiros e conferencias.

Organizan: Asociación Cultural Galega A Roda (Lausanne), Irmandade Galega na  Suíza (Xenebra), Promoción da Cultura Galega en Lausanne (PCGL) e a Asociación Española de Discapacitados e Xubilados en Suíza (AIPES).

As actividades estarán dedicadas ás cantareiras. En especial, os organizadores dedican este festival a Asunción, Prudencia, Manuela, Adolfina, Rosa e Eva, pero tamén ás centos de mulleres anónimas que fixeron posible que a tradición galega chegase ata os nosos días.

Descargar cartel.

Máis info: Facebook.