A Asociación Galega Residentes de Mos, en Bos Aires (Arxentina), celebra o sábado 8 de agosto, a partir das 17:30 horas, unha nova edición da súa Festa Rachada Infantil Internacional.

Unha xornada para os máis pequenos da casa, con música, bailes, bufete gastronómico, sorteos e moitas sorpresas. Ademais, como é habitual, será tamén un evento para celebrar as culturas de diferentes países. Nesta ocasión participarán:

• Grupos Estampas Peruanas, de Perú.
• Grupo de danzas lituanas Dobiliukai, de Lituania.
• Ballet ucraíno Infantoxuvenil Vinnytsia, de Ucraína.
• Academia de Danzas Milagros Martínez, de Venezuela.
• Grupo infantil de cantareiros e baile tradicional do Centro Galicia de Bos Aires e Os AgariMosos de Mos.

Máis info: Facebook | Instagram.