Do luns 12 ao venres 16 de novembro, en horario de 17,00 a 18,30 h., a ONGD Ecos do Sur organiza - no seu novo local da rúa do Aaiún, nº 2- un Curso de busca activa de emprego, no que os e as asistentes aprenderán a buscar emprego dunha forma máis efectiva, así como a elaborar currículos e outras ferramentas que os achegarán ao que buscan as empresas. A incorporación ao mercado laboral é un paso imprescindible para alcanzar unha correcta integración, en especial do colectivo inmigrante, o que constitúe un dos retos fundamentais desta organización que traballa con este colectivo dende hai máis de vinte anos.

Inscricións:

• Por tlf.: 981 150 118
• De xeito presencial: rúa Ángel Senra, 25 (A Coruña)