O martes 12 de decembro ás 19:00 h, na Casa de Galicia en Madrid, Antonio Troncoso de Castro pronunciará a conferencia Antonio Palacios Ramilo, arquitecto. Descrición persoal, o que puido ser e non foi.

• Acompañarán ao conferenciante: Horacio Rico Rodríguez, presidente de FAGAMA; e Fernando Gómez, presidente da Xuntanza de Alcobendas.

• Antonio Troncoso de Castro é licenciado en Dereito pola Universidade de Santiago de Compostela. Foi ponente e profesor en diversos simposiums e publicou numerosas obras e artigos sobre Dereito. Foi profesor de Xeografía Turística.

• Pronunciou a súa primeira conferencia en Xuntanza co título “Lendas, tradicións e mosteiros en Galicia" en xaneiro de 1999, despertando tan gran expectación, que, desde entón, estivo presente en todas as Festas en Honor da Virxe da Paz.

• As súas conferencias marianas, ao longo destes anos, son seguidas por un numeroso, entusiasmado e expectante público. Velaquí algún dos seus títulos: “Lendas, devocións, e santuarios marianos en Galicia”, “Romarías da Ría de Vigo”, “Romarías do Baixo Miño”... 

• Con motivo do Xacobeo 2004 pronunciou “O Cebreiro: Historia, Lenda e Relixiosidade” e “Os Camiños a Compostela”.