De conformidade co disposto no artigo 12.2 da Resolución do 29 de abril de 2026 pola que se aproban as bases reguladoras do procedemento de concesión de axudas para a participación no programa Reencontros con Galicia, dirixido a persoas emigrantes maiores de 65 anos residentes no exterior, e se convocan para o 2026 (DOG núm. 88, do 13 de maio), publícanse as listaxes provisionais de persoas solicitantes admitidas e excluídas por países con indicación, no seu caso, da documentación que deben achegar e o prazo, así como das causas de inadmisión /exclusión do procedemento.

Advertencia:

A APARICIÓN NA RELACIÓN DE ADMITIDOS NON SIGNIFICA TER PRAZA ASEGURADA, SENÓN QUE PARTICIPARÁN NO PROCESO DE SELECCIÓN PARA A SÚA OBTENCIÓN. 

DESPOIS DO PRAZO DE 10 DÍAS QUE SE OUTORGA PARA EMENDAR OU COMPLETAR O EXPEDIENTE DE SOLICITUDE, E DE VALORAR A DOCUMENTACIÓN ACHEGADA, PUBLICARANSE AS LISTAS DEFINITIVAS DE PERSOAS EXCLUÍDAS E ADMITIDAS, CONCRETANDO, DENTRO DESTE ÚLTIMO GRUPO, AS QUE RESULTARON BENEFICIARIAS (COA PERSOA ACOMPAÑANTE, NO SEU CASO) E AS QUE QUEDAN EN LISTA DE RESERVA.
 

As relacións provisionais de solicitudes admitidas e excluídas pódense descargar pulsando no recadro que corresponda:
 

Os escritos de emenda da solicitude e a achega de documentos requiridos deben presentarse preferentemente nas oficinas da Delegación da Xunta de Galicia en Bos Aires e Montevideo ou na entidade colaboradora do país de residencia, que se encargarán da súa remisión por vía electrónica á Secretaría Xeral da Emigración, ou, se non é posible, pola mesma vía de presentación da solicitude.